Ég man þegar vinkonur

mömmu voru oft að segja við mig, þegar ég var yngri, nei ert þú orðin svona stór það er svo stutt síðan að þú varst bara pínulítil. Ég brosti en hugsaði, það er sko ekki stutt síðan. Afhverju er fullorðið fólk alltaf að segja svona. Nú hafa árin liðið og ég er núna hjartanlega sammála þessu, tíminn líður alveg ótrúlega hratt. Ætli þetta breytist ekki þegar maður eignast sjálfur börn, þau eru svo að segja nýfædd og svo allt í einu eru farnir að koma í hús kynningarbæklingar um framhaldsskóla fyrir soninn. Hvað er í gangi, er klukkan farin að flýta sér eitthvað? Ég eldist allavega ekki svona hratt, líður alltaf eins og unglingi

Við Raggi fórum á tónleika í dag í Kirkju og menningarmiðstöð Eskifjarðar. Kvartett Kára Árnasonar spilaði jass. Þetta voru skemmtilegir tónleikar en sorglega fáir sem mættu. Ég taldi 28 hausa.

Raggi er núna öllum stundum að vinna að geisladisk sem væntanlega kemur út í haust. Á honum eru 12 lög eftir Ragga. Það er ansi skemmtilegt að fylgjast með þessari fæðingu og er spennandi að heyra hver útkoman verður.

Athugasemdir

[Guðrún Hauksdóttir, 19.5.2008 kl. 11:40]

Alltaf gott að vera unglingur í anda, þannig á það að vera. Við eldumst mikið hægar en börnin  heheh

[LKS - hvunndagshetja, 19.5.2008 kl. 13:33]

Æi já (andvarp - andvarp) þetta með tímann. Tímanum er í nöp við mig og gerir mér allt til miska, hleypur frá mér þegar ég þarfnast hans mest, en drollar og hangir yfir mér og gerir mér lífið leitt þegar ég vil að hann taki flugið.

Get ég ekki pantað hjá þér diskinn hans Ragga? - áritaðan að sjálfsögðu?

[Bjarney Hallgrímsdóttir, 19.5.2008 kl. 19:46]

Halldór er að ná mér  ekki nema nokkur ár þangað til hann nær mér...

Fíla ekki djazz, en kaupi nú diskinn af Ragga - og langaði líka miklu miklu meir á fótboltaleik - þó maður hafi nú ekki verið að rifna úr gleði eftir leik en samt - fótbolti er sko THE THING ekki jass (hahahahahahahahahaha)

[Sóley Valdimarsdóttir, 19.5.2008 kl. 20:33]

Auðvitað Lára færðu áritaðan disk.

Badda, leikurinn var búinn þegar tónleikarnir voru 

[Lotta (IP-tala skráð) 19.5.2008 kl. 21:20]

kvitti kvitt sjáumst á fimmtudaginn :) knús og kiss kiss

[Gunnar Helgi Eysteinsson, 20.5.2008 kl. 16:20]

Tíminn líður allt of hatt...

[Bjarney Hallgrímsdóttir, 22.5.2008 kl. 07:28]

Ó