Það gengur náttúrulega ekki til lengdar

að vera svona sorgmædd.

Ég hef notað helgina í lærdóm og ekki mikið annað. Það eru fullt að áhugaverðu efni sem ég er búin að vera að lesa í þessari lærdómstörn. Margir póstar hafa farið á milli nemenda í þessum kúrs um heimalærdóm, hvort hann eigi rétt á sér eða hvaða leiðir séu bestar í þeim efnum. Ansi áhugaverðar pælingar þar í gangi. Sumir segja að skóladagur barnanna sé nægilega langur og ekki þurfi að bæta við heimalærdómi. Eins eru aðstæður nemenda mismunandi og að heimalærdómur geti í sumum tilfellum gert barninu erfitt fyrir ef enga aðstoð er fyrir barnið utan veggja skólans. Hvers á þá barnið að gjalda, sem þarf að mæta í skólann, þarf að læra heima en hefur ekki tök á því. Er skólinn þarna að mismuna nemendum sínum? Það er gaman að velta þessu fyrir sér.

Athugasemdir

[Guðrún Hauksdóttir, 1.10.2008 kl. 13:01]

Ég er á þeirri skoðun að börn eigi ekki að stunda heimnám...er oft á tíðum of mikið álag á þau sem standa höllum fæti.....

Hafðu það gott krúsla mín

[Bjarney Hallgrímsdóttir, 1.10.2008 kl. 19:26]

Engan heimalærdóm takk - og ekki heldur hjá okkur fjarnemunum

[Ernir Freyr (IP-tala skráð) 8.10.2008 kl. 17:59]

Ég verð að viðurkenna það að ég er nú ekkert mikið fyrir heimalærdóm en auðvitað er eitthvað af honum sem á rétt á sér. Ég hef tekið eftir því hérna í Danmörku að Danir meta samveru fjölskyldunnar rosalega mikið og eru þess vegna, að ég held, ekki með mikla heimavinnu.