Nei því miður, við erum ekki með neitt jólaskraut

Ég heyrði tvo góða brandara í gær sem ég ætla að deila með ykkur. Þeir gerðust í raun og veru og það er kannski hvað fyndnast (eða sorglegast). Kona ein kom í Rúmfatalagerinn snýr sér að ungum starfsmanni (íslending, takið eftir) og spyr um herðatré. Nei því miður, segir starfsmaðurinn, við erum ekki að selja jóladót á þessum tíma árs.

Hinn er á þessa leið. Kona fer að kassa í Bónus. Þar er sem fyrr ungur starfsmaður (enn erum við að tala um íslending) og konan réttir honum hlut sem hún er með og spyr hvað kostar þetta. Henni er svarað skilmerkilega. Hún spyr þá um annan hlut sem hún er einnig með og fær svar við því. Hún segir þá við starfsmanninn: "ég ætla þá að fá þetta hvorutveggja". Starfsmaðurinn verður eitt ? og hálf vandræðalegur en þá fær hann óvænta hjálp frá öðrum ungum samstarfsmanni sínum. "Hún ætlar sem sagt að fá báða hlutina, ég lenti í svona um daginn".

Svo erum við að hneykslast á að útlendingar séu meira og minna í þjónustustörfum hér á landi og að okkur gangi misvel að gera okkur skiljanleg við það, en gleymum að unga fólkið í dag er meira og minna að tapa niður sínu eigin tungumáli. Þetta eru kannski ýkt dæmi en ég held að það sé nokkuð til í þessu.

Athugasemdir

[Lotta (IP-tala skráð) 23.8.2008 kl. 22:49]

góðir þessir. Hlakka til að fara að hitta þig langt síðan :) en sjáumst þegar við sjáumst

[Solveig (IP-tala skráð) 27.8.2008 kl. 13:08]

RAHAHAHA

Púff það er sorglegt en satt að svona er ástandið farið að vera víða hér..

Knús og kossar

[Kristborg Bóel Steindórsdóttir, 30.8.2008 kl. 23:40]

Ji minn einasti eini!

Lenti að vísu í ógeðslega skondnu atriði í 10/11 fyrir nokkru. Veit ekki hvað kom yfir mig en mig langaði allt í einu viðbjóðslega mikið í Rommý-súkkulaði...

Sá það ekki og við það æstist löngunin um helming. Áhvað að gera tilraun til þess að bjarga lífi mínu og spurði strkákinn á kassanum hvort hann væri með góssið, kannski bara á bak við...

Ég- áttu Rommý

Strákur1- horfði á mig verulega sljógum augum og spurði strák2

Strákur1- hún er að spyrja um eitthvað Rommý. Hvað er það?

Strákur2- æi, það er svona súkkulaði eins og gömlu konurnar kaupa...

...jah so! Gamla geit!