6 dagar í Danmerkurferð

Já þetta líður ansi hratt. Við í vinnunni erum á síðustu metrunum að klára allan undirbúning fyrir námsferðina okkar. Mér er farið að hlakka mikið til enda verður þetta án efa bara æðislegt.

Fyrir viku síðan var menningarkvöld hér á Eskifirði og var Raggi meðal þeirra sem tróð upp. Hann spilaði lag eftir sig sem fer á væntanlegan geisladisk næsta haust. Textinn er um Karen Ósk og er virkilega fallegur, þó ég segi sjálf frá. Einn fimm ára aðdáandi sagði við frænku sína þegar lagið var búið: þetta var svo fallegt að ég fékk tár í augun. Ekki slæmir dómar það.

Reyndar er maginn eitthvað að stríða mér þessa dagana og er ég undir eftirliti hjá lækni. Nú er bara að krossa fingur og vona að maginn verði til friðs, allavega þar til ég kem heim aftur. Má ekkert vera að einhverju veseni núna. 

Ætla að segja þetta nóg í bili. Hafið það sem allra best. 

Athugasemdir

[LKS - hvunndagshetja, 18.4.2008 kl. 17:44]

Væri gaman að heyra lagið um Karenu Ósk - hver er hún nú aftur? Vona innilega að maginn lagist, sendi þér sérstakt fjarstýrt ljósbrot sem splundrar öllum magaverkjum og gerir þá óvirka ... Þetta er frábært tími fyrir Danmerkurferð, Danir brosa alveg hringinn um þetta leyti yfir sumarkomunni. Farðu vel með þig frænkuspons :-)

[Sóley Valdimarsdóttir, 18.4.2008 kl. 19:21]

Karen Ósk er dóttir okkar Ragga. Lára mín þetta áttu að vita.

[LKS - hvunndagshetja, 20.4.2008 kl. 07:58]

Æi, það er quartz-heimerinn  Annars áttaði ég mig auðvitað eftir að ég ýtti á SEND, svo ég er ekki alslæm.