Ekkert lagt á manneskjuna sem hún ræður ekki við

Hversu oft hefur maður ekki heyrt þetta. Ég er samt ekki alveg að kaupa þetta. Nú um daginn var viðtal við konu eina í Vikunni sem segist vera frá Vúlkan og í viðtalinu segir hún að við ákveðum sjálf hvað yfir okkur kemur á lífsleiðinni. Þessu get ég EKKI verið sammála og hálf ábyrgðarlaust að birta svona rugl í blöðum. Ástæða þess að ég velti þessu fyrir núna er skyndilegt fráfall eiginmans skólasystur minnar og eins ungrar konu í Vestmanneyjum. Við vitum aldrei hvenær kallið kemur svo munum að vera góð við hvert annað.

Athugasemdir

[Sigrún Jóna (IP-tala skráð) 5.4.2008 kl. 14:31]

Við ákveðum Ekki sjálf um allt sem kemur fyrir okkur á lífsleiðinni. Sumt sem við gerum hefur slæmar afleiðingar.

En ég ákvað ekki að ekið  væri á mig og slösuð svo mikið að ég varð óvinnufær það sem eftir var ævinnar. Það var að mínu mati,röð tilviljana. 

[Bjarney Hallgrímsdóttir, 5.4.2008 kl. 19:27]

Sumt ráðum við við, annað ekki. Það er sko mín skoðun og þarf á engan hátt að endurspegla vilja þjóðarinnar... æ, vona þú skiljir hvað ég meina...

[LKS - hvunndagshetja, 8.4.2008 kl. 09:34]

Sammála. Það getur verið ömurlega langsótt að leita einhverra örlagaskýringa á mörgu því sem kemur fyrir okkur, sbr. bílslys.  En er Vúlkan ekki pláneta úr vísindaskáldsögum? Bara það hefði átt að vara okkur við að greinin væri ekki alveg klippt út úr raunveruleikanum :-)

En þar fyrir utan finnst mér efni Vikunnar undantekningalítið vera rugl og rusl, svo maður á auðvitað ekkert að kaupa blaðið. (Hér klippi ég út heillangan neikvæðan pistil sem ég var búin að skrifa um efni Vikunnar, þróun blaðsins niður á við í gæðum og vangavelur um slæm áhrif blaðsins á ungdóminn í dag vegna þess hversu ómerkilegt það sé, hversu andfemínískt það sé o.s.frv. ...)

Hafðu það gott frænka góð. Mæli með að þú lesir frekar Karitas og Óreiða á striga eftir Kristínu Marju heldur en Vikuna :-)