Ég er orðin svo endalaust þreytt

á öllu sem tilheyrir heilbrigðistþjónustu þessa lands. Ég hef svo oft upplifðað endalausan viltleysisgang að ég ætti nú að vera orðin vön og ekki að láta þetta málefni fara svona i taugarnar á mér. Einn einstaklingur mér nákominn átti að leggjast inn á geðdeild í dag. Þegar einstaklingur ákveður að leita sér hjálpar eða þiggur loksins að fá hjálp í sínum geðvandamálum hefur ýmislegt gengið á. Innlagnir af þessu tagi eru tilkomnar af mikilli vanlíðan hjá þeim sem á að leggjast inn svo og öllu því fólki sem er honum/henni nákomið. En þessi nákomni einstaklingur minn fékk símhringingu í gær frá geðdeildinni og var spurður hvort það væri ekki í lagi að koma seinna, einhvertíman í næstu viku. HALLÓ!!! hvers konar heimska er þetta. Er eðlilegt að hringja í einstakling sem þjáist af þunglyndi og spyrja hvort það sé í lagi að fresta bara öllu saman. NEI það er ekki í lagi. Það ætti starfsmaður á geðsviði að vita. Þetta er hryllilega ílla gert gagnvart öllum þeim sem að málinu koma. Og því miður er þetta ekkert einsdæmi.

Oft þegar ég hringi á elliheimilið þar sem foreldrar mínir búa þá langar mig oftar en ekki að öskra því framkoman þar getur oft á tíðum verið svo dónaleg að það er með ólíkindum að þetta fólk sé með menntum upp á að þjónusta aldrað fólk. Ég veit að það er gífurleg mannekla og þessi störf ílla launuð en það á ekki að bitna á því fólki sem neyðist til að nota þessa þjónustu.

Best að ég hætti áður en ég æsi mig meira og gera alla vitlausa í skapinu sem lesa þennan pistil. 

Athugasemdir

[Sóley Valdimarsdóttir, 23.11.2007 kl. 23:09]

Eg er ekki að ræða um Landspítalann.

[Kristjana Atladóttir, 24.11.2007 kl. 10:29]

Stend 110% á bak við þig alla leið elskan.  (erfitt að þýða svona frasa )

[Bjarney Hallgrímsdóttir, 27.11.2007 kl. 02:28]

hummm já.

Sko, ég er fótbrotin (brotnaði í dag, mánudag) en fæ ekki myndatöku og gifs fyrr en á föstudag...., er hrædd um að þá myndi nú syngja í einhverjum ef þessi staða kæmi upp, æ ofan í æ. En þunglyndi, jú, látum það bara bíða...

Heyrði síðast í gær, frá konu sem er að nálgast fimmtunt, hvað, það þýðir ´nú ekkert að vera að leggjast í þunglyndi, bara að drífa sig út að ganga.... Já, einmitt..., er þjóðin almennt svona illa upplýst eða hvað? Nei, spyr bara sá sem ekkert veit, eða jú, kannski veit ég eitthvað og það er m.a. það að þunglyndi er ekki sett á hold, frekar en aðrir sjúkdómar.

[Gunnar Helgi Eysteinsson, 29.11.2007 kl. 17:04]