Ég sem ætlaði að hætta þessu.

Ég gerði svolítið í gær sem ég hef verið að reyna að hætta. Ég tók vinnuna með mér heim. Var eins og konan í auglýsingunni sem er altaf að þvælast með vinnuna sína hvert sem hún fer, snildarauglýsing. Ég hef horft á hana með gagnrýnisaugum og hrósað happi fyrir að vera EKKI eins og hún. Sá hlær best sem síðast hlær. Nú er bara að taka sér tak og hætta í vinnunni þegar ég geng þaðan út.

En ég hef kannski smá afsökun, þar sem ég átti að senda frá mér fjárhagsáætlunina fyrir daginn í dag og var veik tvo daga í þessari vinnuviku. Var svo á fundi í gær þar sem einn fundarmeðlimur sagði okkur frá snildarforriti sem hægt er að setja í tölvuna og vinna svo í henni hvar sem er í öðrum tölvum. Og hvað gerði ég. Náði mér í þetta forrit í tölvunni í vinnunni og gat svo unnið heima til kl. 2 í nótt úr vinnutölvunni. FRÁBÆRRT!!!!!!  

Næst þegar ég kem í vinnuna ætla ég að henda þessu forriti út aftur. Ég var semsagt til 2 í nótt að reyna að HAGRÆÐA í rekstri skólans, sofnaði með þetta á heilanum og vaknaði með nýjar hugmyndir um hagræðingu.

Ég er hætt og farin að lifa lífinu fyrir utan vinnu

Athugasemdir

[Gunnar Helgi Eysteinsson, 10.11.2007 kl. 19:04]

Við vinnum svo við höfum efni á að vera í fríi...

[Kristjana Atladóttir, 10.11.2007 kl. 22:59]

Howdí Þekki þetta vel, enda er ég með vinnuna á heilanum, en mín er líka svo skemmtileg hehe.   Annars er bara eitt orð handa þér um þetta mál mín kæra.......FORGANGSRAÐA!!!!  og hafa sjálfan þig svo aðeins ofar á blað í þeirri röðun.

[Halla Rut , 11.11.2007 kl. 00:25]

Ég bara sé ekkert að því að taka vinnuna stundum með sér heim. Það sýnir bara metnað þinn og dugnað. Ég held bara að það sé ekki hægt að vera í ábyrgðarstöðu og komast áfram nema að þurfa stundum að lengja daginn. Sömuleiðis tel ég það vera forréttindi að geta tekið vinnuna heim en ekki þurfa að vera lengur á vinnustaðnum.