Ja þetta fullorðna fólk

 ætti stundum að skammast sín. Strákurinn minn er að spila með
þriðja flokki í fótbollta. Þjálfarinn þeirra er mjög metnaðarfullur og
er að gera virkilega góða hluti með strákunum. 2x í viku eiga þeir að
fara í líkamsræktarsalinn og lyfta undir hans stjórn. Hann þarf áður en
þeir fara inn í salinn að minna strákana á að ef þeir verða fyrir
einhverjum ónotum frá fullorðna fólkinu sem er í salnum á sama tíma að
leiða það bara hjá sér. Þegar ég frétti þetta var ég hrikalega sár. Það
þarf alltaf, eða oft allavega að koma fram við unglinga eins og þeir
séu með einhvern smitsjúkdóm. Þegar þessir flottu strákar eru að æfa þá
eru þarna einhverjir einstaklingar sem þurfa að hreyta í þá ónotum og
hneykslast yfir því að þetta HYSKI þurfi endilega að vera þarna. Ég tek
það fram að þeir hafa hegðað sér mjög vel eru að stoppa stutt við og fá
ekki að hlusta á græjurnar á meðan á æfingum stendur. Svo ekki er
hávaðinn í þeim. Ég held að þarna sé á ferðinni fólk sem er með
einhverja minnimáttakennd gagnvart þessum flottu strákum sem eru að
standa sig svona vel. Áfram strákar.

Athugasemdir

[Fishandchips, 8.11.2007 kl. 00:24]

Góð athugasemd. Hef líka tekið eftir þessu virðingaleysi gagnvart unglingunum. Yfir höfuð eru krakkarnir okkar flott fólk, en það leynist auðvitað eitt og eitt skemmt epli innanum, því miður. En þetta "fullorðna" fólk er ekki að gera einum né neinum greiða með að dæma alla eftir einum slæmum. Held að við ættum öll að hafa það í huga að koma fram við náungann eins og við viljum að það sé komið fram við okkur, og þá skiptir aldur ekki máli.

Bestu kveðjur

[Sporðdrekinn, 8.11.2007 kl. 01:12]

Það er sko alveg rétt hjá þér að fullorðna fólkið má oft skammast sín.

Ég horfði einu sinni á drenginn minn sem var þá c. 10 ára bjóða eldri konu framfyrir sig í röð á búðarkassa, ( ég var að ná í eitthvað og var ekki kominn svo að hann bauð konunni að vera á undan sér) konan hálf hreytti einhverju í hann og fór fram fyrir hann. Í því sér strákurinn mig og ég sé í augunum hans hvað hann var hissa, svo spyr hann mig þessarar spurningar sem að ég átti nú ekki allt of auðvelt með að svara eftir að hafa séð hvernig konan kom fram við hann.

Mamma, af hverju á ég að sýna eldrafólki virðingu þegar að það er dónalegt við mig? Konan þakkaði mér ekki einu sinni fyrir!

Ég horfði lengi framann í hann og mig dauðlangaði til að segja "ég bara veit það ekki barnið mitt" en í staðin kom þessi romsa hjá mér um að flest eldra fólk væri nú kurteist og að hann væri þá bara að sýna hvernig fólk á að koma fram hvort við annað. Mig persónulega langaði til að hnippa í kerlinguna og spyrja hana hvernig stæði á þessum dónaskap í henni gagnvart barninu mínu, en ég sá að það væri nú kannski ekki svo sniðugt með drenginn þarna hjá mér  Sporðdrekar geta orðið svolítið æstir þegar kemur að að verja fjölskylduna

Eins og Fishandchips bendir svo réttilega á þá ættum við öll að koma fram við náungan eins og að við viljum láta koma fram við okkur.

[Bjarney Hallgrímsdóttir, 8.11.2007 kl. 20:02]

Áfram Austri--- og flottu strákarnir okkar

[Kristjana Atladóttir, 10.11.2007 kl. 23:04]

....fullt af unglingum er með smitsjúkdóm....