Eitthvað þarf að gera

Þetta slys er hræðilegt eins og öll hin slysin sem hafa orðið vegna
hraðaksturs. En það er líka sorglegt að lesa hin ýmsu ljótu blogg sem
eru skrifuð við fréttir af þessu tagi. Það gagnast engum. Í kringum
eitt svona slys standa margir aðstandendur og vinir og það er nóg að
þurfa að bíða á milli vonar og ótta hvernig fólkinu sínu reiðir af þó
að ekki bætist ofaná sorgina leiðinda comment um viðkomandi á vefnum.
Ég hef oft hugsað út í hvað sé til ráða. Eitt af því sem ég hef velt
fyrir mér er hvort ekki væri gott að láta þá sem eru að taka ökupróf
dvelja einhvern tíma og annast fólk sem er inn á stofnunum vegna
bílslysa. Vona að þessu fólki sem og öðrum sem sárt eiga um að binda
nái sér eins vel og hægt er.

Þungt haldin eftir umferðarslys

Athugasemdir

[Unnar Már (IP-tala skráð) 23.6.2007 kl. 18:00]

Sæl Sóley,

Ég er sammála því sem að þú segir og hef verið að hugsa um þetta að undanförnu.

Sorgin, kvölin og áhyggjurnar eru ekkert minni þó svo að aðstandandi eða vinur sem liggur þungt haldin eða lætur lífið vegna hraðaksturs.

Mér finnst margir frekar grimmir og kærleikslausir þegar þeir skella fram fallöxinni eða öðrum ljótum dómum, það á engin skilið að slasast eða láta lífið vegna hraðaksturs.

Því miður er hraðakstur algengur og við því þarf að bregðast á einhvern hátt og persónulega finnst mér að það eigi að hamra á og leggja krafta í forvarnarstarf í hverri mynd sem þarf.

Margir virðast nefnilega vilja bregðast við brotinu með hörðum hætti og jafnvel eftir að líkamskaði er orðin í stað þess að fyrirbyggja hraðaksturinn.

Komum þessum ofsaakstri af vegum landsins og inn á lokaðar sértilgerðar brautir og finnum leiðir til að fyrirbyggja í stað þess að refsa eftir á.

[Sævar Einarsson, 23.6.2007 kl. 20:02]

Þetta er skelfilegt :(
Persónulega held ég að strangari löggæsla og lög sem heimila að gera ökutæki upptæk sé af hinu verra. Þegar ástandið er orðið svona þá eru strangari boð og bönn eins og skvetta bensíni á eld, því miður. Það vantar aðstöðu fyrir akstursfólk og byrja að kenna á vélknúin tæki miklu fyrr. Nokkrir aðilar hafa sagt það á sínum bloggum að það sé heimtufrekja hjá akstursfólki að krefjast aðstöðu, fyrir mér er það ekki frekja heldur réttlætismál.

[Gunnsteinn Þórisson, 24.6.2007 kl. 01:10]

Ég er sammála "Sævarinn" í þessu tilfelli, ef ég skil hann rétt þ.e.a.s, það að reyna hafa hemil á svona málum er ekki heilbrigt, það þýðir ekkert að bæla þetta mál niður, það verður ávalt til staðar sama hvað við reynum að kæfa það... Það vantar aðstöðu fyrir þetta fólk til að fá sína útrás, svo þarf einnig að byrja fyrr að kenna og lengja námið, nokkrir ökutíma og tveir kúrsar í kennslu duga einfaldlega ekki til! Það að komast út í umferðina á einum mánuði er firra, leiðinlegt að fáir átti sig á þessu vandamáli.

[RAK (IP-tala skráð) 26.6.2007 kl. 09:47]

Menn sem hafa vit á aksturíþróttum vita að malbika eitt stk. hraðakstursbraut leysir ekki vandan sem ofsaakstur í borgum og bæjum er.  Fá útrás ... myndi ég fá að skella mér á brautina á mínum Yaris 2001 og fá útrás. Nei, væntanlega verða gerðar kröfur um að öryggisbúnaður sé í lámarki og ég sé skráður í eitthvað akstursíþróttafélag.  Ríki og borg mun ekki byggja sjálfsmorðs-hraðakstursbraut fyrir þá sem telja sig þurfa að fá útrás fyrir hraðakstri. 

[Unnar Már (IP-tala skráð) 3.7.2007 kl. 21:32]

Sæll RAK,

Ég hef bæði vit á og reynslu af akstursíþróttum sem áhorfandi og keppandi á kappaksturbrautum um allt Bretland og sem margfaldur íslandsmeistari í kvartmílu í Kapelluhrauni og götuspyrnu á Akureyri.

Að ætla að hraðakstur hætti við að það komi upp kappasktursbraut er firra, umferðarhraði sem er á mörgum stöðum 20 - 30 km/h hærri en löglegur hámarkshraði breytist ekki við kappakstursbraut, en ofsaakstur ætti að verða margfalt minni.

Þeir sem að stunda akstursíþróttir eru í langflestum tilfellum með keppnistæki sem á enga samleið með þínum 2001 Yaris. Keppnistæki sem er undanþegið vörugjöldum og er ekki skráð á númer og eiga því enga leið út í umferð.

Mín reynsla er sú að þeir sem hafa áhuga á akstursíþróttum eiga sín keppnistæki til að stunda sína íþrótt og svo bara venjulegt ökutæki til að fara frá A til B.

 Margir af mínum keppnisfélögum sem að ég keppti við í Bretlandi á mótorhjólum voru ekki með mótorhjólapróf og óku því ekki á mótorhjólum utan keppnisbrauta.

Að kalla akstursíþróttasvæði "sjálfsmorðs-hraðakstursbraut" segir mér einungis hvaða fórdóma þú berð til akstursíþrótta